حتى تكوني مكتملة الأنـــوثــــــــــــه

حتى تكوني مكتملة الأنـــوثــــــــــــه

السلام عليكم ورحمة الله وبركاته




مولود جديد...الجنس أنثى...
تكبر هذي الأنثى وتعيش طول حياتها تحت مسمى أنثى...وتموت وهي أنثى...
خلقت وعاشت وماتت وهي ما تحمل من الأنوثة إلا مسماها وبس

وهذا اللي صاير فعلا...نشوف بنات ( أفضل أسميهم مخلوقات)...عالة عـلى الانوثة .
..لما أشوفهم نفسي أتحول لذكر ولا يجمعني فيهم نفس المسمى
الأنثى إنسانة أرقى...كانت وما زالت...الملهم الأول لغزل الشعراء


وبموضوعي اليوم...راح أحاول بقدر استطاعتي...إني أكتب لكم عن ملامح الأنثى (مكتملة الأنوثة).
..من كل الجوانب...(باختصار)

قبل لا أبدأ بالموضوع...أبي كل وحدة منكم تقول أنا راح أتغير ومن اليوم...مو عشان فلانة..
.ولا عشان أقهر علانة ... ولا عشان أنخطب>> أهم شيء هع
ولا عشان الناس يشوفوني....
ألين متى راح تعيشين عشان خاطر الناس...؟؟؟

أحد كلف نفسه عشانك؟؟؟
قولي راح أتغير...عشان أنا إنسانة...لي ذاتي...لي كياني المستقل عن كل الناس.
..عشان أحترم وأسعد الروح اللي قدر لها أنها تعيش داخل هذا الجسد..

معقولة أموت وأنا ما حققت شي لذاتي؟؟؟
ما أسعدت نفسي بيوم؟؟؟
ما عشت لنفسي ؟؟؟

لو حطيتي ببالك أقهر وأغيظ فلانة وفلانة...حتى ربنا ما راح يوصلك لمرادك...تأكدي من هذا ... وكل وحدة و نيتها...

والموضوع راح يكون على عدة أجزاء مثل ما قلنا...

وهذي ملامح الأنثى الحقيقية...

المعاملات

**
* ملتزمة بدينها

* حسنة الأخلاق

* مؤدبة مع الصغير والكبير

*تحترم الكبير والصغير لأنها تحترم نفسها أولا وأخيرا

* توقف احترام وتقدير للي أكبر منها بالسن

*تبعد بأكبر قدر عن المشاكل >>> مو تعتبرها فرد عضلات وقوة شخصية

* لها قيم و مباديء صحيحة ماشية عليها بحياتها .>>> مو مع كل من هب ودب
*ماشية بحدود الشرع والعرف

*ابتسامتها دايما مشرقة عـلى وجهها

* كلها حيوية ونشاط لما تشوفيها تحسي أنها فعلا شابة

* لما تكون بمكان تملأه حياة وتترك بصمتها فيه>>> مو وجودها زي عدمها ما فرقت

* لها أهداف وطموح ...انسانة منتجة

* متعلمة...مثقفة...( مو ثقافة مطربين و ستار أكاديمي )...و لا ثقافة مقتصرة ع الجمال و الميك أب...

* إذا جلستي معاها تفيدك وتستفيد مو بس تضيع لك وقتك بالحش والنميمة

*ناصحة.. صادقة... متزنة... رزينة ...بعيدة كل البعد عن التكبر والغرور

>>> صاير موضة هذي الأيام طبعا كالعادة على ولا شي.

*تعرف قيمة نفسها وأهلها... حريصة ع سمعتها...

*ما ترفع صوتها على أحد.


وغيرها كثير...ما تخفى عليكم وأنتم أعرف فيها باذن الله...




التصرفات

**

* جلستها صحية
* هادئة

* خجولة >>> هذي الصفة تميزت فيها الأنثى...فلو ما كانت فيها حطي عليها X ...

* صوتها منخفض مو متذبذب .>>> مو تخرجي من عندها تروحي عـ طول لعيادة الأذن والأنف والحنجرة.
* مشيتها راكزه واثقة وقورة هادية زي النسمة

بدون تغنج ولا تمايل .>>> بنات تشوفيهم تحلفي بالله أنهم مشاركين بماراتون أو سباق الهجن هع.

* ضحكتها ناعمة ساحرة أقرب للابتسامة من القهقهة.>>> صارت نادرة...الوحدة تضحك تستني اللي بمعدتها يخرج بوجهك وععععععععع.

* تحركاتها ناعمة وقليلة.>>> مو تزعجك بخشخشتها وتجيب لك الحول بكثرة تحركها...في بنات أشك انهم جالسين ع جمرة.

* ما تتدخل في اللي ما يعنيها.

*ما تتفلسف ع الفاضي والمليان.

* حكيها واضح مفهوم يخرج من فمها بانسياب.

* ما تسمعي منها ولا لفظة صبيانية أبدا ولا عربجية >> وهذي صايره كثييير في هالأيام لا وبعد تتباهى إنها كذا ..

*الكلمات النابية ما تنطقها أبدا.>>> وجع و يا..... ويا زفت.....الخ.
البنت اللي أسمعها تقول كذا ع طول أحكم عليها بالهمجية...

* الكلمات اللي تخدش الحياء لو تموتي ما تسمعيها أحد من فمك

*اذا اتكلمت بالتيليفون أو عـ السيلولير صوتها منخفض مع وضوح .>>> مو تزعق اللي حولها كلهم عرفوا كل أخبارها.
*تراعي قواعد الاتيكيت والذوق العام.

* مستمعة جيدة...ومحاوره ممتعة.

* حكيها ذوق ومريح .>>> مو تقولك هييييييييه أنتي...أو يا أنتي...كأنها داخلة عليك من الشارع.
..ولا تتكلم عن غيرها بلفظ هاااااذي...خير وين احنا.. .استغفرالله في بنات أخاف منهم أشك أنهم خريجات سجون خخخخخخخ.

تبعد عن الهمز واللمز والمناجاة والضحك من غير سبب لأنوووووو............؟؟؟ أكملوا الفراغ التالي بما يناسبه هوع

*طبيعية غير متصنعة .>>> أتمنى الأرض تنشق وتبلعني لما أشوف وحدة متصنعة...مكشوفة مرررررررررة.

* كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل على أدبها.

* نشيطة...مستبشرة...ما تسمعي منها :ما فيني ...تعبانة...طفشانة. ...زهقانة.... وكل الألفاظ اللي تحسسك انها بعمر الـ 80 سنة >> قوييييييييية .

وعشان تكوني أنثى حاولي تتخلصي من اللزمات السيئة إذا كانت موجودة...فيه بنات أول ما تقولين لهم موضوع أو خبر
..يروحوا لا إرادي يقولوا ( كذابة ( !!!
أو ( قولي والله)!!!أو حلفي >>> تخليك تقرري قرار جاد ما عاد تقولين لها شي.
أو بعضهم تقولين لها شي ...تلاقيها فجأة شهقت ( شوي أنتي بنفسك تدخلي بفمها)
وضربت بيدها ع صدرها تحسي أن صدرك أنتي آلمك...>>> يعني سوت أكشن.


ومن التصرفات اللي كثير بنات يسونها وآخذينها عادة..وهي تشوههم...وتخرب أنوثتهم:

**

* أكل العلكه( اللبان) بكل وقت...شكلها بجد مو حلو...والأفضع انه اتتكلم مع أحد واللبانة بفمها......

* قضم الأظافر... بجد حركة بشعة واللي تعاني منها...في محلول بالصيدليات خاص فيها مر و طعمه و ريحته ععععع.
..تحطينه على أظافرك خلال فترة بسيطة راح تتخلصي منها.

* حك الإذن... وإذا عندك التهاب حاولي تعالجيه عشان تتخلصي من هذا الموقف المحرج.

*لمس الشعر باستمرار.>>> حتى تلوع كبدك تاخذي من يدها شي أو تسلمي عليها..>> غير كذا هذي الحركة تدل ع التوتر وعدم الثقة بالنفس.

* في بنات عندهم بثور بوجههم... تلاقيهم طول الجلسة وهم يلمسوها وشغاليييييييين .>>> تتسلى الأخت...عندها جلسة فيشيال.

* وهذي الحركة بعد تلوع الكبد وملفتة...وهي تقشير الشفايف... سواء بالأسنان أو اليد.

* بقولكم على حركة بس لا تضحكوا...لكنها والله صايرة كثيييييير و شايفتها...وهي:
الوحدة أول ما تقوم...لا إرادي تلاقيها سحبت الاندروير... >>> لاتلوموها ضايقها الأخت.

*فرقعة الأصابع...>>> غير أنها بشعة ومزعجة...أحسها تآلم ما أدري كيف يجيلهم قلب يسووها .

*أوقات تجلس وحدة و حاطة رجل على رجل وطول الوقت تهز رجلها وتمرجحها .>>> حشى ملاهي هع.

*أو تجلسي جنب وحدة تلاقيها تهز وتهز وتهز...افففففففف مزعجة توترك وترفعلك ضغطك غير منظرها طبعا.>>> كأنه زلزال.

*أو تجي وحدة طول الوقت كل شوي مطلعه شي من الشنطة ...عشرين ألف مرة تطلع المرايا( ما عندها ثقة).
.>>>مزعجة بقوووووووووووووووه..

*أو طول ماهي جالسة و الموبــايل بيدها ومشغولة فيه >>> سفيرة الأخت..

* العصبية دمارالأنوثة وتقلل الهيبة والوقار...>>فحاولي تتخلصي منها..

*كثرة التلفت وتركيز النظر ع الأشخاص ...ما ورا هذي الحركة إلا ( الخفة)

*إذا كنتي بقعده اياك من الكلام الكثير المتواصل وما تعطي مجال لغيرك بالمشاركة...أو مقاطعة غيرك...>>يعني كوني مستمعه أكثر ما تكوني متحدثة

*أو تسمعي وحدة قالت شي...تروحي على طول مكذبتها...

* إذا كنتي من الناس اللي طول الجلسة تردد: أنا رحت وأنا اشتريت وأنا جبت وأنا وأنا وأنا.....حاولي تتخلصي منها
...لانه اسلوب منفر...والناس راح تقول عليك حديثة نعمة...أول مرة تشوف خير...

وغيرها كثيييييييييييير...فالأفضل تنتبهي أنتي لنفسك...وتعدلي أي شي من تصرفاتك...قبل لا ينتقدوك الناس ويتكلمون من وراك!!!!
(( ويا بخت من بكاني ولا ضحك الناس عليّ >>(( مثل حضري دايم تقوووله إنسانه عزيزة علي
منقول لعيونكم ..
مع بعض الإضافات التلطيفية >> حلوة تلطيفية هع